يعني إيه جوجل Bard أصبحت Gemini؟
مما لا يخفى على أي حد من حضراتكم إننا الآن في عصر ال Large Language Models زي Chat GPT و Bard من شركة Google و غيرهم كتير.. والتسمية المتعارف عليها هي ال AI.. وطبعاً دة تبسيط مخل لل AI و لكنه هو الأكثر انتشاراً.
في هذا السياق، فBard يعتبر أحد نماذج LLMs الرائدة من Google AI.. و مؤخراً.. Bard أصبحت Gemini.. نفس الخدمة بقدرات أكبر.
البعض ممكن يسأل.. طيب إيه الفارق بين Bard و Gemini.. وهل الموضوع تغيير أسماء؟
اسم "بارد" كان مركز على شخصية ذكاء اصطناعي محددة، ودورها محدود.. Chat Bot وعلى الجهة الأخرى بيرمز "جيميني" للتنوع وبيعكس مهمة جوجل الأوسع للذكاء الاصطناعي واللي بتشمل تطبيقات ووظائف مختلفة، مش مجرد واجهة دردشة.
مميزات جوجل Gemini:
و من ضمن الخدمات الجديدة اللي متوقع يشملها Gemini اقتراحات الردود في Gmail والتحرير الذكي أو ال Smart Writing في المستندات ونتائج البحث المحسنة. من خلال دمج جيميني.. نقدر نقول كدة إن الموضوع مطلوب إنه يكون أوسع و دة من الحاجات اللي متوقع إنها تكون نقطة تميز لفترة على الأقل عن Chat GPT
جوجل والذكاء الاصطناعي:
شركة Google بشكل عام هي شركة متعددة المنتجات.. ورؤيتها إن إضافتها لبعد الذكاء الاصطناعي هيرفع من قيمة منتجاتها كلها.. بجانب إنه هيزود من ربطها ببعض و قدرتها على تحليل معلومات عنك أنت.. Personal Customized.. بجانب إنه في كلام عن مدى التطور اللغوي و وذكاء ال Model نفسه لتوليد منتجات مكتوبة أكثر إبداعاً.
وزي ما قولنا لما اتكلمنا عن Bing Deep Search.. فنحن في عصر ثورة ال AI و ال LLMs.. واللي قادرين يعيدوا تشكيل العالم مرة تانية من خلال إتاحة المعرفة للجميع.. وقد تكون دي بداية جديدة.. واللي فات كله.. نقطة.. ومن أول السطر.
تابعونا عشان يوصلكم كل جديد