top of page
  • Writer's pictureMohamed Ahmed

ما هو التسويق الالكتروني؟


التسويق الإلكتروني

كلامنا النهاردة عن التسويق الإلكتروني.. أو التسويق الرقمي أو ال Digital Marketing.. ولكن عشان نقدر نفهم أكتر محتاجين نكون متفقين على شوية حاجات.


ما هو التسويق وأنواعه:

التسويق هو التسويق.. الكتروني.. تقليدي.. ومنعرفش المستقبل ممكن يكون شايلنا إيه ولكن اللي هيظهر برضوا هيكون تسويق.. تتعدد الوسائل و يتعدد استخدامها.. ويظل الهدف واحد.. والهدف ببساطه شديده جدا بلغه الإعلام والاتصال هو الاقناع To persuade.. انا دلوقتي شخص بقدم خدمة service.. بقدم منتج product.. في الغالب انا موجود وفي جنبي ناس تانيه موجوده بتقدم تقريبا نفس الخدمه وتقريبا نفس السلعة أو المنتج competitors.. حتى لو اختلفت التفاصيل بقدر ما ولكن يظل منتجي "ليه بديل"


ممكن انا يكون عندي مزايا معينة unique selling point.. المنافس اللي جنبي ممكن يكون عنده مزايا تانية غيري ولكن انا دوري اني اقنع الشخص اني الاختيار الامثل لية.


طبعا ده تبسيط أرجو ألا يكون مخل للعملية اللي مليانة تفاصيل ومليانة أدوات ووسائل بنعتمد عليها وسياسات واستراتيجيات كثيرة الشخص المسؤول عن التسويق بيقوم بها.. ولكن ده كان تمهيد ضروري ولابد منه نفهم من خلاله انه في النهاية هي عمليه واحدة.. انا استخدمت الانترنت النهارده.. بكرة هستخدم Meta Verse.. زمان كانت الناس بتلقي اشعار في الأسواق.. بتكتب على الجدران.. قنوات تواصل موجوده بنستخدمها كوسيله للوصول للناس اللي احنا عاوزين انهم يستخدموا الخدمة او المنتج بتاعنا


التسويق الالكتروني

طيب دلوقتي.. إيه هو التسويق الالكتروني؟

التسويق الإلكتروني هو عملية استخدام الإنترنت والتقنيات الرقمية لترويج منتجات أو خدمات للجمهور المستهدف و بيشمل التسويق الإلكتروني استراتيجيات مختلفة زي التسويق عبر محركات البحث (SEO)، التسويق عبر وسائل التواصل الاجتماعي (SMM)، التسويق عبر البريد الإلكتروني (Email Marketing)، التسويق بالمحتوى (Content Marketing)، التسويق بالفيديو (Video Marketing)، والقائمة تمتد.


طيب لو صح اللفظ.. إيه هي فوائد التسويق الإلكتروني؟

١- بيساعد على زيادة الوعي بالعلامة التجارية والمصداقية في السوق.

٢- الجذب والحفاظ على العملاء المحتملين والحاليين.

٣- زيادة المبيعات والأرباح.

٤- قياس وتحليل الأداء والتحسين المستمر.


طيب هل دور التسويق هو البيع؟

التسويق دوره تسهيل عملية البيع.. و ليس البيع.. بمعنى إيه؟

يعني بدل ما اقعد اقنعك انك لازم تشتري التيشرت ده وقد ايه سعره حلو قد ايه لو اشتريت اثنين هتاخد واحد هدية.. اقدر اقنعك بقد ايه التيشرت ده قماشته وخامته كويسة.. قد ايه هيكون بيدفيك في الشتاء وقد ايه هيكون بيمتص العرق في الصيف بحيث ان انت توصل لوحدك للرغبة في الشراء.. وتدخل تسأل التيشرت ده سعره كام؟


تابعونا عشان يوصلكم كل جديد

ما هو التسويق الالكتروني

24 views0 comments
bottom of page