top of page
  • Writer's pictureMohamed Ahmed

أعلان وي في رمضان 2023 - دنيا سمير غانم


من وسط كل إعلانات رمضان تظل إعلانات نوعين من الشركات هي الأبرز و الأعلى على صعيد المنافسة و تفاعل الناس معاهم


وهما إعلانات المشروبات الغازية ملخصة في بيبسي و كوكاكولا

و إعلانات شركات الاتصالات


إعلانات شركات الاتصالات وبالأخص الإعلانات الرمضانية بتكون أقرب لكونها فيديو كليب عن كونها إعلان عن خدمة أو منتج أو عرض.. و حتى لو الفيديو كليب كان ناجح و مؤثر و بيتناول عرض إلا إنه نادراً ما الناس بتخرج فاكرة العرض دة.. ودي قد تكون في بعض الحالات مشكلة تسويقية عند فريق التسويق في الشركة نفسها وبالتالي هي مش موضوعنا دلوقتي


على مدار الكام يوم الجايين حابين نتناول الأربع إعلانات اللي نزلوا وترتيب التناول مش هيكون من حيث الجودة أو الأفضلية.. لكن من حيث كم التفاصيل اللي ممكن تتقال على كل إعلان و البداية مع إعلان وي و دنيا سمير غانم


في إعلان أقرب لجو فوازير نيللي و شريهان.. قرر فريق Bubblegum إنهم يستعرضوا مجموعة من المواقف.. العادية على مدار السنة و اللي بتكتسب زهو ولمعان في رمضان أو زي ما هم قرروا.. فالمواقف دي بتترمضن.

زي الغدا اللي بيبقى فطار

و الفطار اللي بيبقى سحور

و الريموت اللي بيفضل يلف على كل أفراد العيلة بين القنوات

و النقنقة و التسالي اللي بتترقى لمرتبة الياميش


الإعلان من إخراج هينري باسيل

مدير التصوير فريدريك باكار

تنفيذ BIGFOOT FILMS

Post production Vivid

مونتاج باهر رشيد

Color grading محمد سامي نصار


كلمات الأغنية خفيفة ولذيذة.. صحيح متحسش بيها للوهلة الأولى و تركيزك هيكون مع الكورس

لكن لما تركز فيها هتلاقيها منسوجة بشكل حلو جداً.. يستحق الإشادة لفريق Bubblegum و وائل عزام و محمد وصفي

و دول في رأيي الضلع الأول اللي بيكمل مجهود

خديجة الأركان Choreography

Art Direction عمر علاء

و موسيقى أحمد طارق يحيي


ودة لا ينتقص تماماً من مجهود باقي العناصر.. لكن كل عمل كدة بيكون ليه عواميد قام عليها العمل.. نقدر نقول كدة عضم العمل.. بجانب عناصر تكميلية أساسية ولا يمكن الاستغناء عنها.


وكل العناصر دي كانت أشبه بوجبة.. مكانش هيقدمها أنسب من دنيا سمير غانم

موهبة عندها القدرة إنها تجمعلك مختلف العناصر الإبداعية بسلاسة و بدون ما تحس إن في مجهود مبذول.. الصوت الحلو مع الأداء البسيط و المريح للعين.. بجانب الاستعراض اللي يثبتلك إننا نملك مواهب تقدر تقدم أعمال استعراضية لا تقل عن أعمال عالمية كتير.. لكن على رأي حمادة إمام.. بس مين يلاقي


عشان نكون منصفين و دقيقين.. فالإعلان جميل و مبهج.. لكنه موصلش لمرحلة الإبهار.. مع إني متأكد إن المجهود اللي اتبذل من فريق العمل أكتر بكتير من اللي ظهر على الشاشة.

11 views0 comments

コメント


bottom of page